დაბინძურებული ჰაერის ფილტრი ზრდის საწვავის ხარჯს, ამცირებს ძრავის სიმძლავრეს და აჩქარებს ცვეთას. მისი დროული შემოწმება იაფი და ეფექტური პროფილაქტიკაა.
ჰაერის ფილტრი ძრავს იცავს მტვრის, ქვიშისა და სხვა ნაწილაკებისგან. როცა ის იჭუჭყიანება, ძრავში ნაკლები სუფთა ჰაერი ხვდება, რაც პირდაპირ აისახება სიმძლავრესა და საწვავის ხარჯზე.
გაჭუჭყიანების ნიშნები
- საწვავის ხარჯის მატება უცვლელი მართვის რეჟიმის დროს
- ძრავის სიმძლავრის და აჩქარების შემცირება
- უჩვეულო ხმა ან ვიბრაცია ხოლოსტოზე
- შავი კვამლი გამონაბოლქვში
რამდენ ხანში შევცვალოთ
რეკომენდებულია ჰაერის ფილტრის შემოწმება ყოველ ტექმომსახურებაზე, ხოლო შეცვლა — დაახლოებით ყოველ 15,000-30,000 კმ-ში. მტვრიან გარემოში ან უხარისხო გზებზე მოძრაობისას ეს ინტერვალი უნდა შემცირდეს.
თვითშემოწმება
ფილტრი მარტივად ამოსაღებია. ამოიღეთ და შუქზე დაათვალიერეთ — თუ სინათლე თითქმის არ გადის, დროა შეიცვალოს. სუფთა ფილტრი ღია ფერისაა, ჭუჭყიანი კი ნაცრისფერ-შავი.
VG Parts-ში იპოვით ორიგინალ და ხარისხიან ანალოგ ფილტრებს თქვენი ავტომობილისთვის — მოგვწერეთ მარკა, მოდელი და წელი.
